<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d2645580034725259998\x26blogName\x3d%D8%A8%D8%B1%D8%A7%D8%B9%D9%85+%D8%A7%D9%84%D9%83%D9%84%D9%85%D8%A7%D8%AA\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttps://moimenalife.blogspot.com/search\x26blogLocale\x3dar\x26v\x3d2\x26homepageUrl\x3dhttp://moimenalife.blogspot.com/\x26vt\x3d-8284039125187255459', where: document.getElementById("navbar-iframe-container"), id: "navbar-iframe" }); } }); </script>
الاثنين، 30 يونيو 2008

التعليم فى مصر.......الى أين؟!!!


بعد أحداث الثانويه العامه من المؤكد أنه يحضرنا وبشده هذا السؤال الذى يخفى الجميع وجهه عن هول الاجابه ان صح لهذا السؤال اجابه

***********************************************************
اذا أردنا أن نستهل حديثنا أولا برصد سريع وموجز لامتحانات الثانوية العامه
أحداث الثانويه العامه بدأت من يوم 8\6\2008الساعه التاسعه صباحا وانتهت يوم 1\7\2008 الساعه الثانيه عشر
تضمنت الشكاوى خلال تلك الفتره

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


#اجتمعت على مادة التفاضل والتكامل للمرحلتين ومادة الفيزياء التى عبر عنها الطلاب باهنا امتحانات خارج نطاق المنهج وتتسم بالتعجيز والتى عالجها الوزير بقرار توزيع الدرجات التى انتهت الى حصول 88%من الطلاب على 50% من الدرجات
#أما الشكاوى الاخرى تعلقت بالمراقبين وما مارسوه من فوضى فى اللجان وعدم القدره على استيعاب أنها امتحانات ثانويه عامه_ أى تقرير مصير أى يستلزمها الهدوء والتعقل وتوفيرالجو النفسى اللازم_ وليست امتحانات للصف الاول الابتدائى
# وشكاوى أخرى تعلقت بالوق تتم توزيع ورق الاسئله على بعض اللجان بعد ربع ساعه من الوقت فى امتحان التفاضل وحساب المثلثات للمرحله الاولى من الثانويه العامه
وصول ورق الاجابه ناقص عن عدد اللجنه المكونه من 30 فرد وصل 17 ورقه فقط والباقى تدارك امرهم بهد نصف ساعه من الوقت ولم يحصلوا على وقت اضافى
#ثم أمر مثير للضحك وهو حدوث استنفار أمنى فى مدينة 6 اكتوبر لمرور موكب الرئيس أسفر عن تعطيل طلبه وطالبات عن موعد امتحانهم ساعه , ولكن الحق يقال فقد أصدر الرئيس قراره باعطاء وقت اضافى للطلبه الذين تسبب الموكب فى تأخيرهم
#وأخيرا حادثة تسريب ورق الامتحانات التى كادت تطيح بوزير التعليم الذى صرح قائلا بأن حادثة التسرب أمر جارى التحقيق به , أما الشكوى من صعوبة الامتحان فهذا ليس لنا دخل به حيث أنه من مسؤلية مدرسين الدروس الخصوصيه الذين يعتمدون على اسلوب التلقين والحفظ وليس الفهم هذا فيما معناه من كلام سيادته وليس بالنص


هذا ماتم رصده عن أحداث الثانويه العامه التى وصفتها الجرائد بمارثون الثانويه العامه


تعليقى هنا


اذا كان هدف الثانويه العامه تخريج طلاب أهلا للالتحاق بالكليات المنوطه بهم ومنها تخريج أطباء ومهندسين ومدرسين وعمال يتولوا مناصبهم ومهامهم فى مجتمعنا
اذا كان ذلك هو الهدف فلما تأتى الامتحانات بهذه الصوره ولما هذه الوقائع من تسريب وبيع امتحانات
أولياء الأمور يقومون بالصرف على أبنائهم والطالب يبذل وقته وجهده وأعصابه طيلة سنوات تعليمه انتظار هذه اللحظه التى يتحقق بها هدفه المنشود
هل يعلم هؤلاء الناس أنهم أو أبنائهم سيكونون من المنتحرين كما حدث لبعض الطالبات أو من المنهاريني عصبيا
هل هذ1 هو النظام التعليمى القادر من وجهة نظركم على تخريج من يشيد بيوتنا ويجرى لنا فحوصات طبيه ويقف معلما لأبنائنا فى المستقبل

ان كانت لكم اجابه على سؤال الموضوع
التعليم فى مصر الى اين ؟ فأرجو الحاق هذا السؤال به أيضا
.....مصر الى أين؟!!!!

10 Comments:

Blogger عصفور المدينة said...

أعتقد أن هذه اللخبطة قد بيت لها بليل مطلوب إصال حالة أن نظام التعليم فشل
ثم يظهر عبقرينو بعدها يقول عندي مفتاح إصلاح التعليم وهو الخصخصة

الاثنين، 30 يونيو 2008 1:27:00 م غرينتش-7  
Blogger الربان said...

تحياتي

اولا لا توجد سياسة تعليمية واضحة وكل يوم التعليم في حال.

ثانيا: التعليم الصحيح يبدأ من احتياجات المجتمع....يعني سنة 2030 مثلا
المجتمع هايكون في حاجة الي أي التخصصات
و الاعداد المطلوبة....

من هنا نبدأ....ثم يتم التطوير بالتعليم الابتدائي في الوقت الذي نكون فيه بنعد للتطوير بالمرحلة الاعدادية....و في مرحلة تطوير التعليم الاعدادي نكون بنستعد لتطوير المرحلة الثانوية...العامة و الفنية
و التي تتضمن ( الفني التقليدي كالكهرباء و السباكة ...، و غير التقليدي كفني حاسب آلي او تمريض او
ملابس جاهزة.....)...

ان تخضع طرائق التدريس الي التحديث
و يتم تحديث المدارس و تزويدها بالمختبرات المختلفة و شبكات الانترنت
اللاسلكية...

ان يتم تطوير مهارات المعلمين و رفع كفائاتهم التعليمية و التربوية.

ان يتم فصل اي معلم يقوم بادروس الخصوصية خاصة بعد ان تم تطبيق الكادر الخاص لهم.

الامتحانات يجب ان تكون في مستوي الطالب المتوسط...و ان يكون هناك سؤال
او أثنين لتمميز الطالب المتميز....

ثم يأتي دور التعليم العالي ليكون مطورا...و يكون متاحا للجميع.


قد يكون و العلم اليقين عند الله ان ما تم الكشف عنه قد كشف بفعل فاعل...بغرض
تعزيز و تأكيد ان مكتب التنسيق فقط
ليس هو الحل الامثل...بل يجب ان يكون هناك ايضا امتحانات خاصة تقيس قدرات
الطلبة....
ومن هنا سيتم قبول نسبة كبيرة بالتعليم الجامعي الخاص...و ترفع الدولة يدها عن التعليم شيأ فشيأ.


تحياتي و تقديري

الاثنين، 30 يونيو 2008 11:19:00 م غرينتش-7  
Blogger مؤمنه said...

السلام عليكم ورحمة الله وبركاته
الباش مهندس الفاضل عصفور المدينه
نحن جميعنا متفقون على أنه نظام فاشل
هل تتصور ان من الممكن أن يصل الأمر فى التعليم الى الخصخصه أى يعلم أولادنا الأجانب وتكون المناهج على كيفهم
مش معنا ان وزير أو عشره فشلوا تكون مصر كلها ما عندهاش القادر على تعديل الوضع
الرأى العام لازم يفوق يا جماعه
جزاك الله كل خير على هذا المرور الكريم
تشرفت به كثيرا
والسلام عليكم ورحمة الله وبركاته

الثلاثاء، 1 يوليو 2008 1:26:00 ص غرينتش-7  
Blogger مؤمنه said...

السلام عليكم ورحمة الله وبركاته
دالأخ الفاضل الربان
هو فعلا الحاجه تولد الاختراع
بس من وجهة نظرىدى ما ينفعش يطبق على التعليم
لان المجتمع كل يوم فى حاجه الى أهل العلم فى جميع التخصصات
وهذا ما نشهده حايا من فشل عمليات صغيره تقضى على حياة المريض والاهمال فى المستشفيات
وعدم وجود دراسه فى المدارس
وانهيار عقارات بعد تشيدها بفتره ليست بالبعيده
نحن كل يوم فى حاجه الى العقول الخلاقه القادره على الاعطاء كى نلحق بركب التقدم
وان انتظرنا الى 2030 حتى يكون المجتمع فى الحاجه اذا ماذا سيكون حال المجتمع فى تلك الفتره من تخريج كادرات فى كافة التخصصات يحملون الشهادات فى جيوبهم وعقولهم خاويه
ماذكرته حضرتك من كيفية التطر امر مهم جدا
جزاك الله كل خير على هذا المرور الكريم والملاحظات النيره
والسلام عليكم ورحمة الله وبركاته

الثلاثاء، 1 يوليو 2008 1:33:00 ص غرينتش-7  
Blogger عاشقة الوطن said...

السلام عليكم
ازيك يامؤمنة

وحشانى ياجميل
بالنسبة للتعليم فى مصر والثانوية العامة والمهازل اللى بتحصل فالواحد مش شايف غير ان التعليم فاسد زيه زي كل حاجة فاسدة فى البلد بس على قد مقدرتنا وعلى قد ما هنقدر نحاول تصلح ما أفسده كبار واللى مسئولين عن البلد نحاول اننا نبني البلد اللى اتهدت واتخربت على ايد اللى بيسرقها وبيقول كمان

ربنا يستر علينا وعلى اولادنا من بعدنا ويستر على بلد محتاجة تتصلح

تحياتى يامؤمنة على الموضوع المهم ده واللى محتاج فعلا مناقشات عشان نقدر فعلا نوصل لحل صح

الأربعاء، 2 يوليو 2008 8:43:00 ص غرينتش-7  
Blogger NilE_QueeN said...

هو انا كل ما ادخل مدونه الاقى البوست اللى فيها جاي على جرح من جراحى

اولا شيء لن نختلف عليه ان نظام التعليم فاشل والنظام الفاشل دا ما هو الا نتجاح حكومه فاشله ولا داعى للكلام عن فشل الحكومه لان مظاهره موجوده ف البر والبحر والجو والتربه

ثانيا حكومتنا الفاشله بتاخد مننا الضرايب وتحطها ف جيبها اللى ورا_ولا مؤاخده اصل دا يفرق عن الجيب اللى قدام جيبهم الشخصي يعني_الاخوه المشركين بتوع الحكومه عايزين يقللوا عدد خريجي الجامعات عشان ميدخلش الجامعه عدد كبير ويتصرف عليهم كتير ويطلعوا عوطليه كتير_دا نظام التلاته ف واحد_

ثالثا بعبع الثانويه العامه او مارثون الثانويه العامه او الكابوس الشعب هو اللى خلقه
عملنالها حساب متستحقوش و دا من ضمن عقدنا النفسيه
المناهج العقيمه بتاعتهم دى مش هي اللى بتكون شخصيتنا او تفكيرنا

المناهج سطحيه ولا فائده ليها ف الحياه العمليه
وبنظام الحشو والصم اللى احنا ماشيين بيه دا لينا حق منفلحش
اللى يحفظ اكتر ويجيب مدرس بياخد اكتر هو اللى بيجيب مجموع اكبر دا بالاضافه الى الشاطره اللى هي االغش
وحضرة الوزير اللى مش محترم بيرمي اللوم على الدروس الخصوصيه
دا احنا لو مشينا ورا شرح المدرسيين والمدرسه بس

اذكى واحد ف مصر مش هيجيب 60%

الخميس، 3 يوليو 2008 5:41:00 ص غرينتش-7  
Blogger واحد مش فاهم حاجة said...

مش عارف لية اول ما قريت تعليق

الاستاذ عصفور المدينة

لاقيتنى مصدقة اوى

تعرفى ان رغم الزخم والتكديس اللى فى المناهج اللى قابلتة فى الثانوية العامة

دخلت الكلية لاقيتنى مستفدش منها اى حاجة تساعدنى فى الجامعة

الا هما شوية الجمع والطرح بتوع الحضانة

ودة للامانة العلمية بس

الخميس، 3 يوليو 2008 9:53:00 ص غرينتش-7  
Blogger bedo said...

سلام عليكم
انا هاستعير الجزء الأول من تعليق عصفور المدينة ان اللخبطة دي مدبرة لكن مش عشان الخصخصة عشان يقولوا عندنا الحل ويطلع الفنكوش ده قانون تعليم امريكي غربي زي قانون الطفل كده أما موضوع مصر الى اين فده سؤال معروف جوابه وهو مستقبل مجهول ينتهي للأسف ربما نهاية دموية

السبت، 5 يوليو 2008 7:37:00 ص غرينتش-7  
Blogger مؤمنه said...

السلام عليكم ورحمة الله وبركاته
الاخوه الكرام
الأخت الفاضله عاشقة الوطن
اكيد النظام فاسد وبضم صوتى لصوتك وبقول ربنا يستر ونقدر فعلا نعمل حاجه
جزاكى الله كل خير على مرورك الريم
وانتى وحشانى ووحشتينى اكتر ووحشتنى بوستاتك وتعليقاتك
دومتى بكل خير
**************************
الاخت الفاضله ملكة النيل
بعتذر بس أعمال ايه هو مش جرح ليكى لوحدك هو جرح جماعى لينا كلنا
بس عايزه اقولك حاجه يارب تصدقينى فيها
هنروح فين من الايه الكريمه الى بتقول ويمكرون ويمكر الله والله خير الماكرين
هونى عن نفسك
قل لن يصيبنا الا ما كتب الله لنا
دومتى بكل خير
وجزاكى الله كل خير على مرورك الكريم وتعليقك الجامع المانع
************************
الأخ الفاضل مصطفى
هو فعلا زى ما حضرتك بتقول هى شهادات بنجمعها طولبمشوار حياتنا والشاطر الى يجمع اكتر والكل مصيره درج المكتب
دومت بكل خير وجزاك الله كل خير على هذا المرور تالكريم
***************************
الأخ الفاضل عبد الرحمن
التعليم من وجهة نظرى هو البنيه الاساسيه للمجتمع اذا صحت صح المجتمع واذا فسدت فسد
ودى فعلا يدينا الاجابه هو مستقبل مجهول ناتج عن نظام مجهول الهويه ما تعرفش هو فيه ايه ماله من سئ لاسوا وبيقولوا فيه خطه موضوعه هى فين الخطه ومين دى الى كتبها ونفذها
دومت بخير
وجزاك الله كل خير على هذا المرور الكريم
والسلام عليكم ورحمة الله وبركاته

الاثنين، 7 يوليو 2008 2:18:00 م غرينتش-7  
Blogger قلب المحيط said...

السلام عليكم ورحمه الله

انا للاسف كنت السنادى مرحله اولى ثانويه عامه ابد كلامى بحسبى الله ونعم الوكيل عشان لما اكون نداخله الامتحان مذكره كويس جدآ للدرجه ان انا عندى القدره ان اراجع المنهج كله فة يوم واحد قبل الامتحان ولا قى نفسى فى يوم ذى يوم امتحان التفاضل مش عارفه احل حاجه و احس ان انا ساقطه مبفهمش حاجه خالص يبقى حسبى الله ونعم الوكيل لما اعد ادام ورقه الامتحان واحس ان انا اول مره اكون فاشله كده يبقى حسبى الله ونعم الوكيل لما اروح من الامتحان وانا فاقده الامل فى كل حاجه كنت بتماناه بيبقى حسبى الله ونعم الوكيل لما انوى ابد مذاكره فى الماده اللى بعدها ومعرفش اذاكر ولاكلمه من دمغى اللى هينفجر يبقى حسبى الله ونعم الوكيل لما باباى ومامتى يقولى متزعليش مش مشكله مش عايزين مجموع حتى لو خدمه اجتماعيه مش مشكله بعد ماكانوا بيستنو ان انا بالذات فى اخواتى اكون
مهندسه يبقى حسبى الله ونعم الوكيل

فبعد الحمد لله ماكان عندى امل الوقتى معدتش فارقه معايا

الأربعاء، 9 يوليو 2008 2:57:00 ص غرينتش-7  

إرسال تعليق

<< Home